Mazzimai nadātun prūsiskas billas makīnsenjans/pratīnsenjans wisēimans, kas kwaitīlai makīntun si.
Makīnsenjai audāst si en internettu anga gīwai en Wilnei. Kurss mazzi būtwei kāigi pa indiwiduālan prōgraman, tēt dīgi standārtisks stēisan 24 makīnsenjan kurss.
Ka mazīlimai segītun?
Ik Tū assei eninteressints, peisāis en el. pōstin be senwaitjāimai si ezze perbāndawingjan makīnsenjan: glabbis@prusai.org
Elektrōnisks wirdeīns
Awīzi Prūsas Tāutas Prēigara
Youtube kanāls Prūsiska Tāliwidāsna
Facebookas gruppi Prūsas Brātrija, palikitā drāugausnai prūsiskai,
Prūsiskas billas enpeisāsenjai
Listi papilniminas resūrsis
Prūsiska bilā ast wakkara-baltiska bilā. Stēisan wakkara-baltiskan billan be dialektan areālan ast: tēntiskas Belarussijas, Pōlis, Leītawas, Lattawas be Kunnegsgarbas tāutas delīkai. Ērgi XVI mts. dabber tūlan kwēi kalsāi: prūsiska, kursiska, sūdawiska, jātawiska billas be dialektai.
Iz peisāiminans prūsiskas billas pamīntlans ast:
Ōficialai prūsiska bilā pastāi terpautā ērgi XVIII mts. (pa aīnas 1700 m. datītas istōriskas wīdikausnan, en 1677 m. aulaūwuns panzdaums prūsiskai aubilīnts wāriks en Kursjan kāpamans, adder <.“stwen stawīdai dabber astits”).
En 1821 m. Jōans Sewerīns Taws, be en 1822 m. Samuēlis Līnda perlazīnusis swāise prūsiskas billas enlaukīsnans. Tenēisan grammatiki ni spārtai sklaitinna si ezze tēntiskai prūsiskas billas grammatikei. [Plattuis stwi]
En 1845 m. G. Nesselmans perlazīnuns Waraprūsiska bilā, be en 1873 m. akadēmiskan prūsiskas billas wirdeīnan. [Plattuis stwi]
En 1920-1940 m. stawīdai prūsiskai pōetai kāigi J. Bobrōwskis spārtai juttusis be widāi prūsiskan billan wiskwēi en tautāspawidai.
Gērdaui di, kāi pra 1945 m. ewakuācijan iz Prūsan ainunkawīdai zmānes prēipalingjai kirdēi prūsiskan billan, beggi en perōniskai pānikei aubilīntjai prūsai ni bēi klippusis swāise billan.
En 1975 m. lingwists akadēmiks W. Tōporows perlazīnuns prūsiskas billas wirdeīnas I tōman.
En 1980 m. En Mikskātautai luterānisks preddikeris Gērds Littiks sen swāise gennan Rūtelan gruntina prūsiskan ginnijan Tolkemita. Subs Gērds wedduns luterāniskans missans prūsiskai. Ginnijas streīpsts Gunnars Skalwīns pagattawinuns be perlazīnuns prūsiskas billas grammatikin, peisāwuns prūsiskan pōezijan. Kits Tolkemitas pōets ast H. G. Pōdelis.
Zūrgi 1983 m. baltists Mikkels Klussis pagaūwuns senpeisātun si sen W. Tōporowan prūsiskai. Stesse paggan tenēi ēmperi perlazīnusis prūsiskas billas etgīmsenjas manifēstan Ezze waraprūsiskas billas rekonstrūkcijai prei nawaprūsiskas billas rekreācijan.
En 1988 m. en Leītawai pastāi gruntintā PRŪSA (M. Kussis, J. Trinkūns).
Ezze 1989 mettu PRŪSA perlazinna awīzin Prūsas Tāutas Prēigara.
En 1989 m. M. Klussis perlazīnuns gīwas prūsiskas billas grammatikin.
En 1989 m. etwertā PRŪSAS klubas filiāli en Ringai be en Alnāsteinei.
En 1988 m. baltists Wīdtauts Mažiulis perlazīnuns swāise Prūsiskas Billas etimolōgijas wirdeīnas 1 tōman.
En 1988 - 1998 m. Ringas PRŪSAS filiālis streīpsts, etnomuzikōlogs, Wāldis Muktipāwels birbina be enkalsinna muzīkin sen gruppin Rasa.
En 1994 - 1999 m. Ringas PRŪSAS filiālis streīpstai Wittings Wannags be Dailūns Russinis perlazinna awīzin Prūsas Waīstis.
En 1999 m. M. Klussis perlazīnuns gīwas prūsiskas billas wirdeīnan.
En 2001 m. pastāi gruntintā Leītawas Prūsiska Perā.
En 2005 m. dāinewiska gruppi Kūlgrinda perlazīnusi stēisan prūsiskan grēman albuman Prūsų Giesmės.
Ezze 2006 mettu audāi si prūsiskas billas be kultūris liskai.
Ezze 2006 mettu pateikātan prūsiskas billas be kultūris internettiskan fōrum.
En 2014 be 2016 m. prūsiskas muzīkis gruppi Romowe Rikoito perlazinna prūsiškus albumus Undēina be Namawār.
Pirmā bangā: billas tērpausna pagaūwa si ezze 1992 - 1993 mettu (tūls en Lattawai).
Antrā bangā: billas tērpausna pagaūwa si ezze 2005 - 2007 mettu (Kunnegsgarbas tautā, Pōli, Lattawa, Leītawa, Belarussija).
Ezze 2007 mettu malnīkai pagaūwa bilītun prūsiskai.
Tirtī bangā: ezze 2017 mettu internettiska drāugausna en pastipsmu swētu.